بەپێی ڕاپۆرتی پەیوەندییە گشتییەکانی زانکۆی کوردستان، «سیستەمی گەڕان بەدوای بەڵگەنامە سازمانییەکانی» ئەم زانکۆیە بە ئامانجی ئاسانکردنی دەستڕاگەیشتن بە سەرچاوە و بەڵگەنامە فەرمییەکان دەستی پێکرد و ئێستا لە ڕێگەی ناونیشانی ئینتەرنێتیی doc.uok.ac.irـەوە لە بەردەستی گشتی و سەرجەم ئەندامانی زانکۆدایە.

ئەم سیستەمە کە بە شێوەیەکی گشتی دیزاین کراوە، ڕێگە بە کارمەندان، ئەندامانی دەستەی زانستی، خوێندکاران و دەرچووانی زانکۆ دەدات کە لەسەر بنەمای ناونیشان، کلیلەوشەکان و ڕوونکردنەوەی هەر بەڵگەنامەیەک، گەڕانەکەیان ئەنجام بدەن و فایلە داواکراوەکە (کە فۆڕمەکان، ڕێنمایییەکان، بەخشنامەکان و پەسەندکراوەکان لەخۆدەگرێت) دەستبەجێ بەدەست بهێنن.

بەکارهێنەرانی بەڕێز دەتوانن بە سەردانیکردنی ناونیشانی ناوبراو، دەستەواژەی مەبەستی خۆیان لە چوارچێوەی گەڕاندا بنووسن و بەبێ پێویستی بە تێپەڕاندنی قۆناغە کارگێڕییەکان، دەستیان بە بەڵگەنامە پێویستەکان ڕابگات. بەرپرسانی زانکۆ هیوایان خواستووە کە ئەم هەنگاوە هەنگاوێکی کاریگەر بێت لەپێناو شەفافکردنی زانیارییەکان و بەرزکردنەوەی ئاستی خزمەتگوزارییە ئەلیکترۆنییەکان بۆ کۆمەڵگەی زانکۆیی.