ناساندن
جێگرایەتیی پلاندانان، گۆڕانکاری و پەرەپێدانی ڕێکخراوەییی زانکۆی کوردستان، بە ڕوانگەیەکی یەکگرتوو و داهاتووخوازانە، سێ بواری ستراتیژیی پلاندانان و بودجە، گۆڕانکاریی دیجیتاڵی و هۆشمەندسازی، و تەکنەلۆژیای زانیاریی لە چوارچێوەی پێکهاتەیەکی یەکپارچەدا کۆکردووەتەوە. ئامانجی ئەم جێگرایەتییە، بەرزکردنەوەی کارایی، شەفافیەت و بەرهەمدارییە لە هەموو ئاستە بەڕێوەبەرایەتییەکانی زانکۆدا و لەم ڕێگایەدا هەوڵ دەدات بە پشتبەستن بە داتای باوەڕپێکراو و بەکارهێنانی ئامرازی نوێ، بڕیاردان زانستیتر و پرۆسە کارگێڕییەکان خێراتر بکات
بەڕێوەبەرایەتییەکان
ئەم بەڕێوەبەرایەتییە بەرپرسیارە لە داڕشتن و چاودێریکردنی بەرنامە کارپێکراوەکان، بەڕێوەبردنی پرۆسەی بودجەدانان و چاودێریکردنی پێکهاتەی ڕێکخراوەییی زانکۆ. تەوری چالاکییەکانی بریتییە لە تەرخانکردنی باشترینی سەرچاوەکان و دڵنیابوون لە هاوتەریبیی بەرنامەکان لەگەڵ ئامانجە ستراتیژییەکانی زانکۆدا.
ئەم بەڕێوەبەرایەتییە بە تەرکیزکردنە سەر دووبارە داڕشتنەوەی پرۆسەکان و جێگیرکردنی ڕێگەچارە دیجیتاڵییەکان، زەمینەی گۆڕانکاریی ڕێکخراوەییی بەردەوام لە زانکۆدا فەراهەم دەکات. هۆشمەندسازیی خزمەتگوزارییە کارگێڕییەکان و بەرزکردنەوەی بەرهەمداریی ڕێکخراوەیی لە ئەولەوییەتە سەرەکییەکانیەتی.
ئەم ناوەندە ژێرخانەکانی تەکنەلۆژیای زانیاریی زانکۆ پەرە پێدەدات و چاکسازییان دەکات و ئاسایشی تۆڕ و فەزای سایبەر لە هەموو ئاستەکاندا مسۆگەر دەکات. پشتیوانیکردن لە سیستەمەکانی زانکۆ و پاراستنی داتاکان لە ئەرکە سەرەکییەکانی ئەم ناوەندەیە.
