بە ڕەزامەندیی وەزارەتی زانست، توێژینەوە و تەکنەلۆژیا، لەم خولەدا زانکۆی کوردستان بۆ یەکەمجار بەرپرسیارێتی میوانداریکردنی ئەم ڕووداوە کولتوورییە ئەکادیمییەی لە ئەستۆیە.

فێستیڤاڵی نیشتمانیی "ڕویش" وەک یەکێک لە گەورەترین ڕووداوە کولتوورییە خوێندکارییەکانی وڵات، بە سەکۆیەک بۆ ناساندنی تواناکان و دەستکەوتەکانی کانوونە کولتووری و هونەرییەکانی زانکۆکان دادەنرێت.

ئەم ڕووداوە هەروەها دەرفەتێکی گرنگە بۆ نیشاندانی ڕۆڵ و پێگەی خوێندکاران و کانوونەکان لە بواری بەرپرسیارێتی کۆمەڵایەتیدا.

جێی ئاماژەیە؛ ئەم فێستیڤاڵە ساڵانە لە دوو ئاستی زانکۆیی و نیشتمانیدا و بە بەشداریی زانکۆ، دامەزراوە و ناوەندەکانی خوێندنی باڵا لە سەرانسەری وڵات بەڕێوە دەچێت و ئەمساڵ، زانکۆی کوردستان میوانداریی قۆناغی نیشتمانییەکەی دەکات.