خوێندکارێکی زانکۆی کوردستان لە چوارچێوەی گەڵاڵەی نیشتمانیی «هەنگاوە زێڕینەکان ٢»، توانی خەڵاتی تایبەتی ئەم خولە بەدەست بهێنێت. ئەم بانگەوازە وەرزشییە بە مەبەستی برەودان بە شێوازی ژیانی تەندروست و نشاتبەخشی، لە لایەن بەڕێوەبەرایەتیی پەروەردەی جەستەیی زانکۆوە ڕاگەیەندرا و جێبەجێ کرا.

بەپێی ڕاپۆرتی پەیوەندییە گشتییەکانی زانکۆی کوردستان، مەهدی مەحرەمی خوێندکاری ڕشتەی جوگرافیا، بە بەشداری لە گەڵاڵەی «هەنگاوە زێڕینەکان ٢» و بە کەڵکوەرگرتن لە ئەپڵیکەیشنی «گامیران»، توانی پلەی باڵا بەدەست بهێنێت و خەڵات بکرێت.

ئەم گەڵاڵەیە کە بە مەبەستی هاندانی کۆمەڵگای زانکۆیی بۆ چالاکیی جەستەیی ڕۆژانە و پیادەڕەوی ڕێکخرابوو، لە ڕێگەی بەڕێوەبەرایەتیی پەروەردەی جەستەیی زانکۆوە بە خوێندکاران و فەرمانبەران ڕاگەیەندرابوو. بەپێی ئەنجامە تۆمارکراوەکان لە ئەپڵیکەیشنە پەیوەندیدارەکەدا، ئەم خوێندکارەی زانکۆی کوردستان توانی پاسکیلێک و بڕی ١٠ ملیۆن ڕیاڵ پارەی نەختێنە وەک خەڵات وەربگرێت.

بەڕێوەبەرایەتیی پەروەردەی جەستەیی زانکۆی کوردستان وێڕای پیرۆزبایی لەم خوێندکارە هەڵبژێردراوە، هیوای خواست کە بەڕێوەبردنی ئەم جۆرە بەرنامانە هەنگاوێکی کاریگەر بێت لە پێناو بەرزکردنەوەی ئاستی تەندروستیی جەستەیی و دروستکردنی هاندەر بۆ چالاکییە وەرزشییەکان لە نێو کۆمەڵگای زانکۆییدا.