بووژاندنەوە، پێداچوونەوە و بڵاوکردنەوەی دەقە دێرینە باوەڕپێکراو و نایابەکان.
ئاڵوگۆڕکردنی کتێب، بڵاوکراوە خولییەکان و بەڵگەنامەکان لەگەڵ کۆمەڵگە، ناوەندە زانستی و کولتوورییەکان، زانکۆکان و دامەزراوە فێرکاری و توێژینەوەییەکان لە ئاستی ناوخۆیی و نێودەوڵەتیدا.
پەرەپێدانی هاوکاری لەگەڵ دامەزراوە و کۆمەڵگە زانستییەکان لە گۆڕەپانە نیشتمانی و نێودەوڵەتییەکاندا.
کۆکردنەوە، پاشەکەوتکردن، پاراستن و دەستەبەرکردنی دەستڕاگەیشتن بە کتێب، گۆڤار و بڵاوکراوە زانستی و پسپۆڕییەکان.
پۆلێنکردن، پێڕستکردن و ئامادەکردنی کتێب و بڵاوکراوەکان بە مەبەستی ئاسانکاری و خێراکردنی پرۆسەی دەستڕاگەیشتنی توێژەران و خوێندکاران.
دروستکردنی کارلێک و پەیوەندیی بەردەوام لەگەڵ ناوەند و کۆمەڵگە زانستییەکان، کتێبخانەکان و ناوەندەکانی بڵاوکردنەوە لە ناوەوە و دەرەوەی وڵات، بە ئامانجی دامەزراندنی سیستەمێکی ڕێکخراو و کارامەی کتێبداری.
دروستکردنی هەماهەنگی لە نێوان کتێبخانە لاوەکییەکانی کۆلێژ و بەشە زانستییەکان و چاودێریکردنی باڵا بەسەر کارەکانیاندا.
ڕاهێنان و ئاشناکاردنی فەرمانبەرە تازە دامەزراوەکان و خوێندکارە قۆناغی یەکەمەکان بە بنەماکانی کتێبداری و پەرەپێدانی کولتووری کتێبخوێندنەوە.
ئامادەکردن و داڕشتنی پوختەی کتێب و وتارە زانستییەکان.
ئەنجامدانی سەرجەم کاروباری پەیوەست بە داواکردن و کڕینی کتێب، بڵاوکراوە و سەرچاوە زانیارییەکانی تر لە ناوەوە و دەرەوەی وڵات.
